Aamusnaanta iyo faa’iidooyinka ay leedahay better

Aamusnaantu waa xikmad iyo awood, waana habka ugu wanaagsan ee loogu jawaab celiso. hadalada iyo erayada aadan jeclaysanin.

Aamusnaanta waxay kaa dhigaysaa qof u muuqa, mid awood badan. waxaad noqon qof tix-galin badan loo muujiyo oona loola imaamin ficilada qaar.

Qaybaha qoraalka

1. Waa maxay aamusnaanta?
2. Waxyaabaha ay ku fiican yihiin dadka aamusan
3. Faa’iidada aamusnaanta
4. Xaqiiqooyin ku saabsan dadka aamusan
5. Dabeecadha qofka aamusan
6. Markay qasabka tahay aamusnaanta
7. Awooda aamusnaantu leedahay
8. Xikmado ku saabsan aamusnaanta
9. Maad fikir badan tahay ogow sababta

Waa maxay aamusnaanta in?

Aamusnaantu waa ka joogista hadal inaad dhahdo, kaas ood awoodo dhihidiisa. Waa ka aamusida hadalka aadan rabin.

sidoo kale akhri:

ardayga wanaagsan iyo sifooyinka uu leeyahay

Waxyaabaha ay ku fiican yihiin dadka aamusan

Hadaad kamid tahay dadka aamusan, waxyaa jira waxyaabo aad ku fiican tahay. waxaana kamid ah.

• Waa dad hal-abuur leh.
• Waa dhagaystayaal wanaagsan.
• Mudnaantooda ayey garanayaan.
• Waxay doortaan dadka wanaagsan.
• Waxay leeyihiin qorshayaal waawayn.
• Waa dad yaqaana naftooda.
• Si taxadar leh ayey u doortaan hadalkooda.
• Waxay awoodaan iney xakameeyaan naftooda.

Faa’iidada aamusnaanta

Inaad noqoto qof aamusan waxaad ka faa’idaysaa waxaabahan hoos ku xusan sida.

• Waxaad helaysaa fursad aad ku fikirto.
• Walbahaarka ayey yaraysaa aamusnaantu.
• Waxay kaa caawin inaad ka nasato baraha bulshada.
• Maskaxdaada iney kobocdo ayey kaa caawin.
• Awoodaada wada-hadalka ayaa fiicnaan.
• Waxay kaa caawin inaad ka warhayso naftaada.
• Waxaad u muuqani qof awood badan.
• Waxaad awoodaa akhrinta wajiyada iyo dareenada dadka.
• Ma rabtid inaad dhahdo waxaad ka qoomamayso.
• Dadku waxay jeclaanayaan iney kula sheekaystaan.
• Waxaad baran waxaad horey u aqaanin.
• Dadka iyo alle ayaa kugu jeclaanaya.
• Waxaad noqon qof leh akhlaaq wanaagsan.
• Wuxuu kuu soo jiidaa aamusku qadarin iyo ixtiraam badan.

Xaqiiqooyin ku saabsan dadka aamusan

Waxaa jira xaqiiqooyin badan oo laga qoray dadka aamusan, waxaana ugu muhiimsan kuwan.

• Waa daacad badankooda.
• Waa dad xishood badan badanka.
• Waxay jecel yihiin iney naftooda wakhti la qaataan.
• Waa dadka isku kalsoon.
• Way naxariis badan yihiin.
• Maaha kuwo cajisan, sida la moodayo.
• Aad ayey u yaqaanaan naftooda.
• Waa dad ku qanacsan noloshooda.
• Waa dad aad u dagan dareen ahaan.
• Way ka dulqaad badan yihiin dadka kale.
• Waa dad aragti dheer.
• Dadka aamusan xasuustooda ayaa fiican.
• Waxay ku fiican yihiin xalinta arrimaha adag.

Dabeecadha qofka aamusan

Waxaa jira dabeecado lagu garto qofka aamusan, waxaana kamid ah.

• Waa qof aan lahayn saaxiibo badan.
• Waa qof dabeecadihiisa aan si sax ah loo fahmin.
• Wax ayaad ka faa’idaa markaad la joogto.
• Waa qof aan ka hadal waxyaabaha uuna cilmiga u lahayn.
• Waa qof soo jiidasho leh.   

Kuwan waa astaamaha lagu garto dadka aamusan, adigu maad leedahay sifooyinkan.

Markay qasabka tahay aamusnaanta

Inaad barato aamusnaanta waxay kaaga baahan tahay waqti badan, si aad u barato. Waxaana jira ay munaasab tahay inaad aamusto, waxaana kamid ah xiliyadaas.

• Marka laga hadlayo wax xun sida xantaiwm.
• Markaad rabto inaad wax badan ka ogaato shaqsiyada qofka kale.
• Markaad garanaynin waxaad ku jawaabto.
• Markuu hadlayo qof kale.
• Markaad rabto inaad xakamayso falcelintaada.
• Markay dadku ku dhagaysanaynin.
• Dareenkaada markuu xun yahay.

Inaad xaaladan oo kale ka aamusto. waxay kaa caawinaysaa inaad ka baaqato samaynta fal doqonimo ah. ama hoos u dhigaya shaqsiyadaada.

Awooda aamusnaantu leedahay

Aamusnaantu waa awood, qofka aamusana waxay ka dhigtaa mid awood badan leh. awoodaha aad ka helayso aamusnaanta waxaa kamid ah.

1. Tixgalin iyo ixtiraam

Markaad bulshada ku dhaxjirto. hadana aad tahay qof aamusan uuna badnayn hadalkiisa iyo kaftankiisa. Waxaad u muuqan

• Qof awood badan.

Qof dadka oo dhan xiisaynayaan hadalkiisa.

Kulankaada waa la qadarin.

Waxan oo dhan waxaad ku kasbanaysaa, markaad tahay qof aan hadal badnayn. oo muhiima oo kaliya ka hadla, kaftankiisuna uu xadidan yahay.

2. Qiimaha qofka aamusan qoyska dhaxdiisa.

Qofa aamusan qyskiisa aad ayey u qadariyaan. loomana gacan dhaafo waxyaabihiisa gaarka ah sida.

• Alaabtiisa.
• Mobilekiisa.
• Iyo waxyaabaha khaaska u ah.

Sababtu waa in qoyskiisu ka aaminsan yihiin inuu ka duwan yahay ayaga, oo uu xidh-xidhan yahay.

Inta badan talada ugu muhiimsan ee qoyska ayaa la-waydiiyaa. sababtuna waa inuu yahay qof aan hadal badnayn oo ujeedada un ka hadla.

3. Kalsoonida nafta

Xidhiidh adag ayaa ka dhaxeeya aamusnaanta iyo kalsoonida. waayo inta badan qofka kalsoonidiisu sareyso ee dadku qiimeeyaan. waa qof aamusan, oo hadal badnayn.

Sidaas darteed dadka aamusan waxay wadaagaan dhamaantood. iney jecel yihiin naftooda, oo aad u kolkooliyaan.

Waxaad arkaysaa qofka aamusan, asagoo kaligii meel fadhiya. kuna qanacsan inuu kali iska ahaado.

4. Dumarka waxay ayaa jecel qofka aamusan

Waxaa xaqiiqo ah, dadka noocan ah iney dumarka ku xeeran ku dhaliyaan su’aalo badan, sida.

• Kuwa wax la-barta.
• Kuwa la shaqeeya.
• Dusha sare kuwa ka yaqaana.
• Iyo kuwa ay isku cusub yihiin.

Waayo inta badan dumarku waxay arkaan. rag kaga horeeya kaftanka, hadalka, kuwa kuwo ka qorta telefoonkooda. Markay gabadhi aragto nin aamusan,

• oon waxba waydiinaynin.
• salaamaynin.
• la-hadlaynin.
• eegaynin.
• tiisa ku mashquulsan.
• xataa aan danaynaynin.

In gabadh meesha joogto iyo in kale. Aad ayey dumarka wax iskaga waydiiyaan ninka noocan ah, markay la kulmaan. Waayo qofkan oo kale wali horey umayna arag.

Taasna waa awooda ay leedahay aamusnaanta, raguna haday fahmi lahaayeen qodobkan. wakhti badan kumayna bixiyeen iney bursadaan dumarka.

5. Waa laga xishoodaa qofka aamusan

Hadaad aragto qof aamusan, bal fiiri dadka yaqaana oo dhan way qiimeeyaan. way xushmeeyaan, wayna dhagaystaan markuu hadlayo.

Aad ayaa looga dambeeyaa qofkan oo kale, waana wax uu kasbaday inay dadku sidan ula dhaqmaan.

xikmadaha aamusnaanta ku saabsan

• Aamusnaantu waa saaxiibka kaliya een waligii ku khayaamaynin.
• Afkaada u adeegso laba shay, waana aamusnaanta iyo dhoolacadaynta.
• Aamusnaatu waa doonta looga gudbo mushkiladaha.
• Aamusnaantu waxay dawo u tahay cadhada iyo xanaaqa.
• Af aamusan waa dahab.
• Carrab aamusan cadaw ma samaysto.
• Hadal intuu afkaada kujiro ayuu amaan leeyahay.
• Badanaa hadal jawaabtiisu tahay aamus oo kaliya.
• Aamusnaantu waa awood ayna aqoonin dadka qaar.
• Haday dadku ku faanaan quruxda hadalkooda, adigu waxaad ku faantaa quruxda aamusnaanta.
• Mararka waxaan u baahanahay inaan aamusno, si aan u maydhno wasaqda hadalka.

Maad fikir badan tahay ogow sababta

Hadaad leedahay sifadan waxaad awoodaa inaad fahanto waxyaabo dadka kale ayna garanaynin.

Dadka noocan ah waa kuwo fikir badan oo ka duwan dadka caadiga ah. waa dad xikmad badan, hadalkoodana wuu kooban yahay.

Waa kuwan sababta aad inta badan u fikirto.

1. Aamusnaan

Dadka fikirka badan badanaa waa kuwo aamusan. waxay wakhti badan ku bixiyaan iney la sheekaystaan naftooda.

2. Fiiro dheer

Dadka u fikira sida qotoda dheer. hadalkooda wuu yar yahay fikirkoodana wuu badan yahay.

Waxay aad u qiimeeyaan xaalada intayna gaadhin go’aanka ka hor. inta badn go’aanada ay qaataan waa kuwo wanaagsan.

3. Halmaan badan

Dadka fikirka badan waxay ka fikiraan waxyaabo badan. taas ayaana keenaysa inuu bato halmaankooda.

Waxaa laga yaabaa inuu xaliyo hawl ama uu barto wax cusub. laakin uu halmaamo waxyaabo kale oo sugayay sida. Ballan uu lahaa. Lamaanihiisi inuu arko.

Waxyaabo muhiim u ah ayaad halmaami kartaa, markaad tahay qof fikir badan.

4. Xallinta dhibaatooyinka

Waxyaabaha ay ku fiican yihiin dadka fikirka badan waxaa kamida. xalinta dhibaatooyinka, maadaama si dabiici ah ay u fikiraan.

Waxaa yar iney sameeyaan khaladaad waawayn. maadaama ay dhinac kasta ka qiimaynayaan dhibaatada xalka ay u raadinayaan.

5. Xorriyad

Qofka fikirka badan maadaama uu yahay badanka mid kali ah. wuxuu mar hore bartaa inuu naftiisa ku tiirsanaado, xorna uu ahaado.

Badanaa iskuma haleeyo dadka kale, dhaxgalka bulshadana kuma badna. waana qof si qoto dheer u yaqaana naftiisa.

6. Dareen dadnimo

Inkastoo ayna badnayn, hadana dadka fikirka badan. waa dad sheekeeya, qosla, baashaala, oo wakhti la qaataa dadkooda.

Hadaad tahay qof si qoto dheer wax u qiimeeya ama uga fikira. hambalyo waxaad leedahay sifo qiimo badan oo lagu faano.

Gabo-gabo

Hadaad kamid tahay dadka aamusan, hambalyo ayaan ku leeyahay. hadaadan lahayna isku-day inaad tijaabiso.

Aamusnaantu waa awood qarsoon. xataa markaad ka aamusto ood ka dhaqaaqdo qof si xun kuula dhaqmay. qofkaas wuxuu dareemi doonaa daciifnimo.

Waayo waxaad ka aamustay dhamaan hadaladiisi, waana wax kaga xun qofka dilka. oo weerarka habarjeclo aamusnaanta muuse, weerarka habarjeclo aamusnaanta muuse ka, habarjeclo aamusnaanta muuse ka hadlay, faysal oo weerarka habarjeclo aamusnaanta.

La-wadaag asxaabtaada, mahadsanid.

Dhamaad.