Maanso jacayl oo aad u macaan better for us

Dadku noocyo badan ayey u cabiraan jacaylka. Hadaad tahay dadka jecel murtida iyo suugaanta. waxaan kuu soo xulnay maansooyin jacayl oo macaan.

Haduu jacaylkaada xiiseeyo suugaanta, waxaad u diri kartaa maanso jacayl oo macaan. Waa hab fudud ood qofka ugucabiri karto jacaylkaada.

Waa maxay maanso?

Maansadu waa nooc kamida suugaanta soomaalida. Waxaana maansada kasii farcama, noocyada murtida. Sida

• Gabayga jiiftada.
• Buraanburka.
• Heesaha.
• Heelada.
• Geeraarka.
• Iyo heeso hawleedka oo dhan.

Dhamaan noocyadan murtida ee kor ku xusan, ayaa laysku dhahaa maanso.

sidoo akhri

gabay jacayl oo aad u macaan

maanso jacayl oo macaan

Waxaa curisay maansadan macaan, abwaanada sacdiyo abwaan maxamuud garcade. Waa maanso ka-hadlaysaa dulqaadka dareenka jaceylka.

Waa maanso ku saabsan qof jacayl lagu cidleeyay oo ku guulaystay in lala wadaago.

• Jacaylkaan guyaal badan.
• Guudkayga saartoo.
• La-gucleeyay kaligay.
• Gad-gadoonka jiifkiyo.
• Uga go’ay hurdada badi.
• Gacal kaan u moodiyo.
• Geesigaan jeclaadana.
• Asagoon garab isiinaynin.
• La-guhaaday kaligay.
• Mudi waxaan gooho.
• Ilmo goomahaygiyo.
• Gaadadeyda qoysaa.
• Iga goba’ tiraahdaba.
• Tiiraanyo gubaysaa.
• Kali aan la guuxaba.
• Garashiyo garawgaa.
• Gacal iyo walaalnimo.
• Lagu kala gudboon yahay.
• Galad eebe weeyaan.
• Waa guule mahadii.
• Hadaan caawa soo galay.
• Gogol raaxo taaliyo.
• Gurigi nagaadiga.
• Galad eebe weeyaan.
• Gaawihii marnaa iyo.
• Hashii iga gurnayde.
• Aan maalay gaaxdi.
• Galad eebe weeyaan.
• Geesigaan jeclaadoon.
• Uga go’ay ragoo idil.
• Haduu uu garwaaqsaday.
• Inuu gacan isiiyiyo.
• Gaaf iyo aroosiyo.
• Aan guri yagleelno.
• Adna geesigaygiyow.
• Walaalow garaadkiyo.
• Garashiyo dadnimadaad.
• Asagaa ku gudubtoo.
• Aan kugu gacloodaye.
• Amaan gaara iga hoo.
• Adaa ii gurmadayoo.
• Dhibaatadi I gaartiyo.
• Jacaylkii I gaasiray.
• Aan la gabi-dhacleeyaayoo.
• La guluubtay kaligay.
• Iga siiyay garabkee.
• Gooni ila faqayee.
• Guullaha ilaahay.
• Gooh iyo dhib dhawr.
• Guryo samo ku nolow.
• Dadku gacalo kuu noqoy.
• Kuma gooyo cadawguna.
• Geed bira hakaa dhigo.
• Farxad aanan guuraynin.
• Abidkeed guraynin hano.

Maanso jacayl ah oo gaaban

• Waxaan dhafooriyo dhabanada lahaystaa.
• Dhagaxaad arkaysiyo, dhadhaabtaa u fadhiistee.
• Iigu wacan dhibaatada, Dhayal hayga-moodine.
• Dhimbilihii jacayl baa, huuno igu dhax-yaacoo.
• Dhuunigii la-cunayiyo, biyihii la dhamayiyo.
• Iga gooyay dheeftii, hurdo inaan dhag siiyo.
• Ka dhawaajiyo khuuro, dhib yaraan ku seexdana.
• Mar horaan is-dhaafnaye, dhafar baan la liitaa.
• Hadaan dhankeedana, dhawr erey eraahdoon.
• Tafaasiil ka-dhiibana, yartu dheeman weeyoo.
• Jir dhutuca dhalaaliyo, xubnaheeda kala dhigan.
• Timahoo hal-dhaayoo. Dhuxul loo filaayiyo.
• Dhaxdoo taako moodiyo, dhoolahoo casaaniyo.
• Indhaha dheyda geeliyo, qorraxdoo dharaariyo.
• Dhexdii duhur la-moodiyo, markay ku dhugatana.
• Naxariis dhamaantood, xubnahaa dhax-qaadoo.
• Labadaada dhaayood, dhab ku hayn karaynoo.
• Naftu eegma dhugashada, dhakafaar ka qaadaa.
• Dhacadiidka joogiyo, dhib jaceyl-xun baa dilay.
• Hadaanan dhoofiyo, dhul-sare u kicinoon.
• Kala-hadaf xun nagu dhicin, geeridu dhab weeyee.
• Dhudhun labadii iilkiyo, hadaan dhinaca lau-dhigin.
• Ama waali igu dhicin, qadar aan la-dhaafaynin.
• Ii dhigayn nasiibkay, isma dhaafno inantaas.
• Guur inaan dhag-siinee. Meher aan ku dhaadeen.
• Sooryo aan ka dhiibee, aroos nalooga-dheelaa.
• Rabi baan ka dhawraaaa. jacayl gabay iyo geeraar

Maanso jaceyl oo gaaban

• Roobiyo barafka dhaxdiisa. Duufaan baan dhax socdaa.
• Had iyo jeer nasasho, iyo nabad waan ka quustay.
• Murugada aan dareemo, waxaan jeclaystaa geerida.
• Qalbigiyo laabta, waxaad moodaa iney I gubanayaan.

Maanso fajac iyo yaab ah

• Waa geedi duniduye, ninka geesi sheegtow.
• Wali gabar jaceeklkeed, adigoo gudoonsaday.
• Makaa raacday gaban kale, makuu goysay taadi.
• Iyadoon gafba u arag.
• Galbiskiyo ciyaarti, markuu galabta;un yahay.
• Barqo gaaban subaxnimo, adigoo halkii godan.
• Telefoonka gacantun, malaguu garaacoo.
• Waa guur maa lagu dhahay.
• Hal daqiiqo gudaheed, inta layska gaabsaday.
• Gaba-gaba maa lagu dhahay.
• Teelkaa iga go’aye, inoo goorta aan helo.
• Waqti iga go’aayiyo, markuu guule nagu simo.
• Adigoo gilgilanoo, wadnuhuna gig leeyahay.
• Gobo’layni dhididkuna, hadalkuna gas leeyahay.
• Sababtiisu guurkaa, guradaada ku habsaday.
• Bal gungaadh matiri taa, gurcudow haweenow.
• Iyadoo il-gibidheed, naxariisba kuu galin.
• Matidhi gar weeyaan, ma inaan gaboobaad.
• Ila gaadi wiilyahow. Wakaa gayigu badan.
• Gacaliso qof kuu ahaa, ileen lama guhaadshee.
• Gab inaad u tahayood, lagalayso iilkood.
• Ka go’ayso aadmiga, goobtii makaga tidhi.
• Intay gees istaagtoy, kuu guuxday dheeldheel.
• Qosol-gaws dambeedka ah, maka galalac siisoo.
• Kala garo makaa tiri, islaantiyo gashaantida.
• Ubadkani gurguurtiyo, gabdhahani is-ruxayab.
• Markay go’aan tahay, isku garasho weeyaan.
• Inkastoo guyaal badan, la-gorfayso sheekada.
• Inkastoo guduud iyo giriin aad ka badisaba.
• Galad sheegan maayaan, ninka guda xilkooda.
• Gogol-jiif la-yeeshee. Guur ay wadaagaan.
• Kaasay galoon-sare, u garwaaqsadaa mahad.
• Xasuustuna ku gudhantaa, geesi ay ku sheegaan.
• Xataa saacad gobalkeed, haday goshiisiyo.
• Guradiisa taalo un, ixtiraam gayaan baa leh.
• Wax la-gudo abaal baa leh, is-gamaarin dumar baa leh.
• Haday gabari kuu oyday, galin kugu dul banaysay.
• Ama dhaar ku geeraartay, gama’I dartaa diiday.
• Ha u garan xaqiiqdooda, ha istaagin giriyaadka.
• Gabgableyn haween baa leh, googaa horaa sheegtay.
• Gamaqaate nacas weeyo, guntanaan jaceyl doonay.
• Daacadi gadhkii tuugtay, giniyaad waxaa siesta.
• Garbo dheer ka soo-tuura, guruuruca dambaysiiya.
• Marmarsiiyo gaarsiiya, waa la il-garan waayay.
• Gurcudoow haween wweyo.        
• Iclaan guud waxaan talo, dhalintay gudbinayaa.
• Intay geeri ii imaan, ninka gabar jeclaadow.
• Hadey kaa go’an tahay, gabalkuba intuu dhicin.
• Inta gucustu kaa dhalan, soo gunaanad caashaqa.
• Xalaashana ha garab-marin.

maanso jaceyl

• saw labo is-dhaarsaday.
• isna dhaafsada ubax.
• Saw labo is-dhawrata.
• Isna dhiiri galiya.
• Saw dhanka caashaqa.
• Doomaha ma saaraan.
• Saw damiirka maankiyo.
• Qudha isuma dhiibaan.
• Mid wuxuu dhibsanayana.
• Ka kale ma dhaawaco.
• Adna dhaymahaygaay.
• Saw kuuma dhiman karo.
• Nafta kuuma bixin karo.
• Waxa dunida dahab yaala.
• Adi kaama door bidaan.
• Saw adi daraadaa.
• Dabka diirka guba iyo.
• Badahaba ma gali karo.

Maanso dareen jacayl oo cajiib ah

• Indhahaygu waa weel.
• Waa wabi kalgacaloo.
• Waabayda caashaq.
• Ruuxay waxyeeshaa.
• Looga waysa qaadaa.
• Indhahaygu waa wiig.
• Waqti iyo dharaaroo.
• Labadii iswaayee.
• Tabashada wareeraa.
• Isu soo wadaayo.
• Axadaha wax siisaa.
• Indhahaagu waa way.
• Wadhi iyo colaadoo.
• Caqli waalan gaadhiyo.
• Rabitaan wanjalan baa.
• Isku weeraraayo.
• Wabtu waa ishaysiga.
• Indhaagu walaw.
• Ay wajigaaga yaaliin.
• Waxaan moodi jirey abid.
• Inay wax bogaagiyo.
• Wadnahaaga sheegta.
• In dhahaagu waa weedh.
• Wiglo weeyo baan loo.
• Rabigeena wayniyo.
• Wudwud baa abwaan ka ahoo.
• Indhahaagu waraceey.
• Wareegay kor eegaan.
• Cadceeday wacaanoo.
• Waqalkiyo dagaarbaa.
• Midba wayrax sheegtaa.
• Waar anay I eegtiyo.
• Anaa laygu waday taas.
• Indhahaagu waa wadhaf.
• Iyo waran cid lagu gano.
• Waad haleeli gaadhoo.
• U war qaadan waayoo.
• Laga waayay dunidoo.
• Maad waaban hogoshee.
• Dhagar baad wacanay.
• Wahankeedu doonayn.
• Indhahaagu weheshiga.
• Waa waraaq qoraaloo.
• Wadcigaad ku sugantiyo.
• Warwarkiyo dhibatada.
• Laga waayo dheehdaa.
• Indhahaadu waa qood.
• Widhwidhkiyo dhalaalkay.
• Sida waa beryaano.
• Ruuxii kol waayaa.
• Gudcurada wanjaaciya.
• Indhahaadu waanada.
• Waa wadaad afdheeroo.
• Qof samaan ka weecdo.
• Waalid caasiyaayey.
• Waaxidkii abuuriyo.
• Wacdi doorasiiyaan.
• Indhahaagu willkay.
• Kawadaan dareenkoo.
• Gudo walalcdoodiyo.
• Weynaantu hilow bay wanqashaa.
• Astaanoo wajiyo dhibnaha iyo.
• Camankay wareegtada.
• U diraan warax loo.
• Abidkood wakiishaan.
• Caro adag wax yaaliyo.
• Indhahaagu waa wadan.
• Shacab iyo wasiiro leh.
• Xigto iyo walaal leh.
• Wadartoodu wa boqol.

maanso soo jiidasho ah

• Suugaan jamashada taqaana
• Suugaan jilib laha taqaana
• Suugaan jiibtiyo ka maarmin
• Jaangoyn iyo hadal jawaab leh
• Suugaan joogsiga taqaana
• Suugaan jiifkana taqaana
• Suugaan loo wada jarmaado
• Abwaanka jiraa yaqaana
• Abwaano iskuma jiraane
• Abwaanka ka jidhidhicooda
• Aduunka jabkaa ka taagan
• Waxaan jalayaa dareenka
• Waxaan ku jawaabi maanso
• Xaalkii kolba aan la joogo
• Aduunyadu waa jasiirad
• bad iyo webibaa ku jeeran
• buuraa lagu wada jiteeyay
• jiq weeyaan xaaladeedu
• jaliilkii inna abuuray
• muxuu xayawaan dul joojay
• ku jiifa ku aan dhaqaaqin
• ku jeexa dhulkoo cajiib
• ku dhawr jaran jaro ka booda
• ku jaatinka kula fahmaaya
• mid kuu joogsadoo xariif ah
• dhashiisa mid aan jaleecin
• anigoo jiro labaatan
• jacaylkani igu abuurmay
• markaan arkay jaantus kiisa
• naftayda maxaan jikaaray
• maxaan kulahaa ha jiidhin
• axdigii aan jitaynay
• maxay iga sii jarmaaday
• naftani xiisuhu la joogo
• kagacalkuna jiidanaayo
• maxay igu tidhi ma jeesto
• jacaylkani ii bildhaamay
• jacaylkani ii bilaamay
• jaxaylkani igu talaalan
• jacaylkani aan la tiicay
• jacaylkani aan la jeestay
• jacaylkani ugu jufaysan
• jacaylkani aan xambaartay
• jacaylkani ii xurmaysan
• jacaylkani aan u deexday
• jacaylkani ii digaaya
• jacaylkani aan la riiqday
• jacaylkani ila rafaadsan
• jacaylkani igu sinqaaya
• jacaylkani ila sambaabay
• jacaylkani aan sharaystay
• jacaylkani ii shirqoolan
• markuu jeenyaha I saaray
• jujuub iga dayni waayay
• u joogsaday xaaladiisa
• jawaabtaad iga sugayso
• jamiilaay kugu ma diidin
• ruux baad tahay geya jacaylka
• ruux baad tahay loo jiboodo
• ruux baad tahay dumar u jiilan
• ruux baad tahay xumo ka jeeda
• ruux baad tahay jecel wanaaga
• jacaylkani soo dhalaalay
• jacaylkani dhitaystay
• jacaylkani casuumay
• jacaylkani aan u ciiray
• annoo baladkayga jooga
• duruusaha jeetinaaya
• markaad igu tidhi jacaylka
• hoo yoo iga sii jawaabsan
• jasaarnimo kuuma quudhin
• intaan joonyado ka buuxshay
• jawaabtani aan la daahay
• jileec igamay ahayne
• naftaan la jikaar tamaayay
• jacaylkani ii gar sheegatay
• jacaylkani igu ganooda
• jacaylkaan fooladeeyay
• jacaylkaan furay kashiisa
• jacaylkani qarada weyn leh
• jacaylkani qiimihiisa
• jacaylkani koorihiisa
• jidhkayga u diiday kaamil
• jacaylkani aan la liicay
• addaa ii jaray legiisa
• jacaylkani aan ku maydhay
• jacaylkani ii maleegtay
• jacaylkan naruuradiisa
• jihayntiyo naawilaada
• jabkiisiyo waayihiisa
• waabayda ragbaa la jiifa
• jacaylkani yaayacooday
• jilaabsiga iigu yeedhay
• jaangoyntiisaan la yaabay
• waxaan hadal jow ku siiyay
• dhakayga in aan ka joogo
• jacjuumkana aan ka dhawro
• xuskaagaan jeeni qaartay
• telkayga anoo jaleecin
• habeenkii jiif ma seexdo
• intaan geyigeena joogay
• dadkaba ruux kula jamaala
• ma jeedalin aragtidaydu
• jawharad adigaa u muuqda
• jaahaagani quruxda weyn liyo
• bariidadu waa jalkayga
• gabay iyo geeraar jacayl

maanso jacayl qoraal

• Dadku siduu ilayskiyo, Aragga iyo maqalkiyo.
• Taqajaranka oonkaa, Biyaha aayar reebiyo.
• Neecawada la ursado, Uga maarmi karinee.
• Ugu baahan yahaybaan, Aniguna nabiihaay.
• Araggaaga quruxda leh, Ugu oomanahayoon.
• Ku il doogsadaayoo, Ku ilaawi maayee.
• Weligaa ogsoonoow, Inaan kuu han weynahay.
• Iftiinkii naftaydiyo, Aayatiinkii noloshaay.
• Ma og tahay ilaawaadeey, Inaan kuu il-daranoo.
• Sida ubadkii aan dhalay, Adi kuu werwero oon.
• Inan yahay ku daydayo? Ma og tahay asluubtiyo?
• Dhaqankiyo akhluuqdiyo, Iimaanka sharafkiyo.
• Aqoonta iyo garashada, Inaan laga sinaynoo.
• Rabbigeen addoomaha, Qofkastaba in siiyoo.
• Aadmiga dhammaantii, Allaylehe sidaan qabo.
• Af-gobaadsan maayee, Adigu aad u mudan tahay?!
• Ma og tahay inaad tahay, Keligeed adduunyada.
• Taan ka eeganaayeen, Ereygeeda ku xasilo?!
• Adigaa xaqiiqdii, Iimaanka deeqoo.
• Adigaa xaqiiqdii, Unugyada jidhkaygiyo.
• Uurkayga deggayoo, Adigaa xaqiiqdii.
• Farxad igu abuuroo, Adigaan xaqiiqdii.
• Ehel kuu maleeyoo, Amintaan ku waayaba.
• Adigaa xaqiiqdii, Xiisaha I badayoo.
• Adigaanan deeqaay, Kaa oolli karinoo.
• Weligay amaantaa, Ka adkaysan waayoo.
• Afkaa iga xaddaayee, Adigaan ugaasooy.
• Dadka kaa ishaartoo, Naftu ku ogollaatee.
• Waa ayaamo duniduye, Ii hagar bax adiguna.
• Dhugo oo u fiirsoo, Aamin weedhahaygoo.
• Allaa faxane maaree, Arrimaha jacaylkoo.
• Aynu samo ku waarnoo, Farxad ku istareexnee.
• Ila qabo xaggaagoo, Xejiyoo adkeeyoo.
• Ka ilaali xagal daac, Ila dhawr ayaamaha.
• Noloshiyo adduunyada, Allaa faxane ila filo.
• Isu imashadeenniyo, Dhowaan aqal galkeennana.

maanso jacayl iyo wadani ah

• Xariir iyo Ugbaadeey. Xuural ceyn ideeqdaay.
• Tii xiriirka beertoon. Xiisaha ku kulanaay.
• Xaqiiq barashadeenii.  Xigmad baa ku duugnayd.
• Iyo xaajo qaaliya. Waligiis xabiibkiyo.
• Xilkas guul mawaayee. Xanta ruux yaqaaniyo.
• Xaasidkaan helleyn libin.
• Xaashaa lilaahiye, Adna roob xagaa iyo. 
• Xiin maadan noqonine, Sida mayay xiskinahoo. 
• Xarfo baalaheedii, Xili gu’ya ku hooroo. 
• Barqo waray xareeddii, Xoolihii durduurtana. 
• Xiiqdiyo haraadkiyo, Xakaarkii ka reysteen.
• Yaad xabiibi adiguna, Xididada wadnaha suran 
• Xarakaad u yeeshoo, Kasifaysay xumihii.
• Waxaan xeeriyaayoo, Markastaba xasuustaa. 
• Xardhan sheekadaadii, Aan lahayn xajiintoo. 
• Ku dhisnayd xaqiiqada,. Kolkii ay xayaadeey. 
• Xeerbeegta caashaqu, Xubigii dhexdeeniyo. 
• Xariirkeena eegtoo, Loo xilsaaray duul sare. 
• Falan qayn xadh dhaafiyo, Xuuraansi dabadeed. 
• Xigmad nalaku taageer, Xushmo noo dabaal dage. 
• Shaal xariira nala saar, Xidigaha jacaylkoo.
• Dadku wada xaqdhowriyo, Xulka dunida naga dhige.
• Eesh calaa xalkuna waa, Inaad noqoto xilahay. 
• Xalaal waa iftiimee, Barqo laysku keen xiro. 
• Xamdi waaridkeenuna, Duco noo xantoobshaan. 
• Arooskeena xamar iyo, Xudur iyo kismaayiyo. 
• En-Ef-dhii xadkeediyo, Xagaa iyo jigjiga iyo.
• Xeebaha jabuutiyo, Xaruntii hargaysiyo. 
• Puntland laga xadreeyaa,. Inaguna xaqweeyee. 
• Gudanaa xilkeenoo, Xajinaa kalsoonida. 
• Kuwa xumaha jecel iyo, Xaasidkana ka durugnaa.
• Aduun xeerba xeer iyo, Xidig weeye socotoo. 
• Kolba xubin istaagtoo, Xayndaabka noloshuna. 
• Hadba xeelad weeyoo, Markii xaajo dhalataa.
• Xalka laysla fiirshaa, Salfudeydna xaawuu.
• Xadigeedi dhaafshee, Macaan xaashi noo gali. 
• Ku xariiq saxiixana, Inaynaan xilkeen gabin. 
• Xarakada jacaylkiyo, Aanku waarno xiisaha. 
• Xayasiiska duniduna, Xarunmaaha abidoo, 
• Xabaal lama huraayoo, Aakhirana xasuuslehe.
• Xisbigii rasuulkiyo [scw], Inaan noqoto xulufada.
• Asxaabtii xaqaaheyd, Xamdi noo duceeyee.
• Xubintaasna aamiin,. Awlaad xalaaloo,.
• Xiiso aan ku korinoo,  Ku xasila islaam nimo.
• Xaakim nooga tuugee,  Xubintaasna aamiin. 
• Xabiibi Xayaati Aamiin.

Gaba-gabo

Waxaan filayaa inaad ka heshay dhamaan maansooyinka jacaylka een kula wadaagnay. waa maansooyin xul ah, ood u qori karto qofka aad jeceshahay. siiba haduu yahay qof jecel suugaanta. amal amaan dumar abwaan hadraawi iyo gabay amal amaan dumar abwaan.

La-wadaag asxaabtaada, mahadsanid.

Dhamaad.