500+ Maahmaahyo cusub oo xikmad leh better

Bulshada aduunka ku nool oo dhan waxay leeyihiin murti iyo mahmaahyo.

Soomaaliduna waxay leeyihiin sidaas oo kale maahmaahyo, xikmado iyo murti. waxaan maanta idinla-wadaageynaa mahmaahyo cusub oo xikmado leh. kuwaas oon soo xulnay.

waa maxay maahmaah?

Mahmaahdu waa hadal gaaban, oo murti badan xambaarsan. waa suugaan, aan la-kala-lahayn.

waxay tilmaantaa noolasha umada leh maahmaahdaas. iyo heerkooda garashada.

maahmaahyo cusub

1. Baashaal ardaygi bartaa ma baaso.
2. Baryo dad waa lagu basaasaa.
3. Taajir ma-waayo la-taliye.
4. Xoolo nin leh waa la xurmeeyaa.
5. Nin xil hayo waa la-xantaa.
6. Awr aan dabar lahayn wuu kugu durduriyaa.
7. Doolar nin arkayo ma-dareemo daal.
8. Fadhi laguma helo fiiso.

sidoo kale

600 Magacyada gabdhaha ugu shidan

maahmaahyo cajiib ah

1. Dheeman cilad leh ayaa ka fiican dhagax caadiya.
2. Haduu xoogaada yaryahay, ha-qaadin shay culus.
3. Qofkii malab xadaa farihiisa buu leefleefaa.
4. Eray run ah dhaar uma baahna.
5. Badu waligeed ma soo-iibsato kaluun.
6. Ninka waxa ku-dhaca, waa ciqaabta carabkiisa.
7. Dhulku wuxuu leeyahay dhago, dabayshuna cod.
8. Ma-gali kartid jano, hage la’aan.
9. Aamusnaantu waa muusiga ninka caqliga badan.
10. Labada dhagood ku dhagayso. laakin hal af ku-hadal.

maahmaahyo xikmad leh

1. Abaal hadaan rag gudin, rabaa guda.
2. Baroortu orgiga ka-wayn.
3. Cadawgaada caano mac baa la-siiyaa.
4. Dad nin u taliyay iyo nin baryay baa yaqaana.
5. Dumar ama u Samir am aka-samir.
6. Rag habeen buu is-dhaafay.
7. Dumar laan waa noolal la’aan.
8. Rag dumar baa is-dhaafshay.
9. Naag la-furay, fadhi uma yaalo.
10. Rag la’aan wax kuma-yeesho, ee rag xumaa wax ku yeesha.
11. Rag hareertaadaa laga dayaa.

maahmaahyo murti leh

1. Cagahaada u fidi, sida bustahaadu yahay.
2. Erayo wanaagsan, waxay godkiisa ka soo-saari karaan maska.
3. Erayada madhan, ma buuxiyaan calool madhan.
4. Cabir kun jeer, laakin hal mar gooy.
5. Eeydu way ciyaan, safarkuna wuu sii socdaa.
6. Faa’idadu waa walaalka khasaaraha.
7. Qofki carabkiisa dhawra, madaxiisa ayuu badbaadiyaa.
8. U-fiirso hooyadeed, intaadan guursanin gabadha.
9. Dhisme aan sees lahayn ayaa duma.
10. Sida aabaha waa sida wiilka.

maahmaahyo qosol

1. Naag la-xidhay way xanaaqdaa.
2. Faanto qubatay furkeedaa furma.
3. Badhan isma-xidho.
4. Geeljire dandiisa og.
5. Nin alle tumayo, oohintiisa cidna ma-maqasho.
6. Balaayo-balaayo qaydhiin maaha.
7. Tabcadaa ma-baahdo.
8. Tashadaa ma-qasaaro.
9. Hadba sida loo-jabo ayaa loo-dhutiyaa.
10. Labo qaawan isma-qado.
11. Kor waayeel waa wada-indho.
12. Ninaan dhididin ma-dharko.
13. Nin kuu digay kuma dilin.

maahmaahyo xul ah

1. Wiilkaada iyo wiil gaalo garto waa loo simaa.
2. Dabcigoo kaa xumaada, dadkuu kaa saaraa.
3. Balaayo intay kaa-maqan tahay, dariskaa ayey ku maqan-tahay.
4. Dadnimo ayaa darajo ka horeysa.
5. Midigtaada hadii lagugu qabsado, waa laga mudaa.
6. Dad nin u taliyay iyo nin tuugaa yaqaan.
7. Ciyaar la’aan caqligu wuu caabuqaa.
8. Lama huraan, waa caws jiilaal.
9. Ballan qaad, waa eed qaad.
10. Duco waalid iyo durbaan aroos waa lagu tarmaa.
11. ma wadar baa waalan mise waaxid.
12. Dadku waa isku muuq hadana waa kala-maan.
13. Nin aan shaqaysan shah waa ka xaaraan.
14. Aqoon la’aan waa iftiin la’aan.
15. Hasha geela cunaysa ayadaa cabaada.
16. Arad waa dan, uskag waa doqonimo.
17. Hadal badan haan ma buuxsho.
18. Meel am aka muuqo am aka maqnow.
19. Dagaal nin aan aqaan baa ku orda.

maahmaahyo dumar

1. Naag been baa lagu soo xero galiyaa, runa waa lagu dhaqaa.
2. Naag ninkii xariir u gogla bay xanan u gogoshaa.
3. Dumarku waa balaayo loo baahan yahay.
4. Naagi ninay taqaan nin ma moodo.
5. Naag waa midho geed saaran.
6. Dumar hiil haka sugin.
7. Dumar iyo dameeraba duco la’aan bay tarmaan.
8. Cisho iyo naag xumba waa la dadajiyaa.
9. Dumar iyo caruurba ma-hayo ma yaqaanaan.
10. Dumar ninki amaanaa leh.
11. Dumar waa dabin shaydaan.
12. Haween ku diiday loogama hadho.
13. Dumar iyo caruurba sasab baa lagu wadaa.

maahmaahyo jacayl

1. Faqriga markuu albaabka ka soo-galo, jaceylkuna daaqaduu ka baxaa.
2. Jaceyl indho maleh.
3. Inaad wax jeclaato waa in naftaada dhib galiso.
4. Jaceyl sii-jeeda awood laguma soo-jeediyo.
5. Jahli iyo jaceyl midna looma jiifsado.
6. Jaceylku waa cudur, qofka la-jecel yahayna waa dawo.
7. Guur waa god gacan gali.
8. Nin guursaday xuunshana xoolo mood.
9. Labadii isla-garataa ayuu guurka u hagaagaa.

maahmaah ragga

1. Rag waxaa ugu faan-badan, mar-duule iyo mar-dhoofe.
2. Rag waxaa ugu liita, ciil-kama baxe iyo calooshiis la-ciyaare.
3. Ragu riyo ma-liso, reerkiisana ma-gooyo.
4. Rag lacag wuu abuuraa, lacagtuse rag ma-abuurto.
5. Rag jidiin baa walaaleeya, ee jir ma-walaaleeyo.
6. Rag wuxuu yiri, rag baa diida.
7. Ragana dhugga, ritigana ilkahaa laga eegaa.
8. Rag waa arin keen iyo aqbal keen.
9. Raga runta kama nixiso.
10. Rag waxaan naftiisa ahaynba wuu maareeyaa.
11. Rag qabri yio qawl baa ka-hadha.

maahmaah guurka

1. Guur waa god gacan gali.
2. Guurkaada awr dhaan ahna waa lagu beegaa.
3. Guur badani gablan kaama bi’iyo.
4. Nimaan guursanin gogol fiican ma-seexdo.
5. Guur iyo geediba sahan-bay ku fiican-yihiin.
6. Nin guursaday xuunshana xoolo mood.
7. Labadii isla-garataa guurku u hagaagaa.
8. Haweenka iyo geelaba waa la-hida raacaa.
9. Balo guur ama guurso ku dhahdaa.

maahmaah geela

1. geel aan gaawo loo-hayn lama godlo.
2. Geel ba’ow yaa ku leh.
3. Geel col mooyee abaari wax ma-yeesho.
4. Geel dhalaan qaaday ma-dheera.
5. Geel fudaydna kuma rimo, fudeedna kuma dhalo.
6. Geel jeeni kama go’o.
7. Geel labo jir soo wada-mar.
8. Geel lun lugama riixo.
9. Geel maalinba ceel buu joogaa.
10. Geel ninaan lahayn, geeridii war maleh.
11. Geel qaylo xun, lama dhici karo.
12. Geel waa geel, wixi gooyana waa geel.
13. Geel wuu is geedo baraa.
14. Geel xeradiisu waa nabad.
15. Geel doono geeso dhiig leh bay dhashaa.
16. Geel-jire geedi kama naxo.
17. Geel jire guri maleh.
18. Geel jire ninka u taag-daran ayuu taageeraa.
19. Geelu meeshuu ku kaajuu ku saleeyaa.
20. Hal aad naaskeeda hayso, kuruskeeda lama laaco.
21. Hal aad nin ku baratay kaama dhumin.
22. Hal aadan jirin, ku jabisay.
23. Hal aan wali kuu dhalin, ilmaheeda ha-tirsanin.
24. Hal bacaad lagu lisay.
25. Hal booliya nirig xalaala ma-dhasho.
26. Hal isii iyo hoo, iskuma xigto.
27. Hal laac aragtay, laan hoose ma-aragto.
28. Hal libaax arkayso, ma-godlato.
29. Hal maalis ah, xoolo kuuma noqoto.
30. Hal sodon qaday, sedex kuma dari-wayso.
31. Marka geel loo heeso ayuu dameero u heesaa.
32. Rati lama raree, ninkiisa la-rartaa.

maahmaah carabi ah

1. Arinkaa waa hal bacaad lagu lisay.
2. Qofkasta wuxuu tamaniyo ayy helaa.
3. Kaftanku murugada ayuu tagsiiyaa.
4. Indhoole indhoolaa haga.
5. Dadkana wuu fikiraa, Alana marhore ayuu qadaray.
6. Xiliga imtixaanka qofka waa la-sharfaa ama waa la-dulaystaa.
7. Way madawdahay, wayna qurxan tahay.
8. Inaad shamac shidato ayaa ka fiican inaad mugdiga naclado.
9. Sariirtu waa mid, laakin riyooyinku way kala-duwan yihiin.
10. Qori ha-qaadan si-aad cayayaan u dishid.
11. Wakhtigu dahabkuu ka qaalisan yahay.
12. Halkaad joogto camalkeedaa la-yeeshaa.

maahmaahyo qoraal ah

1. Inta beeri ku siiso bahdaa kuma siiso.
2. Nin gaajeysan gar looma dhiibto.
3. Gabadhi waa midho geed saaran.
4. Dad baa hagar leh, dhul hagar maleh.
5. Ciil beel, ciilbay dhashaa.
6. Dariskaada oo gubanaya, dugsi looma fadhiisto.
7. Meel aar ka kacay, atoor fadh-fadhiisay.
8. Ninku hal kuu lis, ama hadal ku-dheh.
9. Geel la-qaaday ragiisaa la-tirsaday.
10. Gacmo geel jire hoos baa loo dhaqaa.
11. Nimaan digo galin dab magalin.
12. Gammaan iyo haween ba waa hoodow.
13. Meel hoo u-baahan, waxba hadal kama-taro.
14. Waraabe bartaa mooye bawdku uma muuqdo.

maahmaah iyo xikmad

1. Haween waa maal oo waa muur oo midig reer.
2. Jiritaan reer waa jaaribaan haween.
3. Shini fayow malabkeeda lama shushubo.
4. Haween waa madhxiya oo waa madal iyo maqane og.
5. Fardo jeedal looma qariyo
6. Hoos waliba hadal leh.
7. Cadaalad baa cudud midaysa.
8. Faras waa ka joog ama ku joog.
9. Candho lo’aad waa ninba intuu gashado.
10. Laba cadow isma dugsadaan.
11. Tulud geel laga saaray waa dhagax dhul laga fujiyay.
12. Naag aan nin kaa xigin waa waraabe aan seedi kaa xigin.
13. Gacmo is-dhaafay ayey galadi ku jirtaa.
14. Xaq aan xoog wadan ma soo-xaroodo.
15. Nin shimbiro sabaaya, wadhaf kama shanqadhiyo.

maahmaah waraabe

1. Waraabe waraabe canaanay, waase walaalkii.
2. Waraabe daalay dirirtiisaa loo-tagaa.
3. Waraabe ciilna haw-qaban, calalna haw-tuurin.
4. Waraabe lafihiica iyo mid guri taalaba uma roona.
5. Waraabe dhanki loo erayaba waa u toos.
6. Waraabe la-tagis bartay, ka-ridis waa ku ceeb.
7. Waraabow saamo-jiidid iyo shanqadh kala daa.
8. Orodna layguma gaadho, afxumana wax ima yeesho.
9. Waraabe iyo caruur iyagoon is-arag bay coloobeen.

maahmaah beenta ku saabsan

1. Balan badan waa been badan.
2. Been fakatay run ma gaadho.
3. Been iyo war badan habeen bay wada dhasheen.
4. Been marka hore waa malab marka xigtana waa malmal.
5. Been nin yaqaan waa u boholyoobaa.
6. Been roortay run ma gaadho.
7. Been sheeg oo been-run u eg sheeg.
8. Been waad ku cabtaa kumase raagtid.
9. Been waxay liqdaa kii tufay.
10. Beenaale been baa disha.
11. Beenaale markhaatigiisa ayuu fogeeyaa.
12. Been hal lug bay leedahay.
13. Baani raadi leh.
14. Beenlow baadidiisa lama helo.
15. Beenlod dal yaqaan ah sahan looma dirsado.
16. Beenlow runtiisana waa been.
17. Beenlow waxa sirta xasuus xumo.
18. Beentaada-hore runtaada dambe ayey bi’isaa.
19. Gadaashii ka naxe waa nin been badan.
20. Hadal badan badhbaa beena.
21. Maqal sheeg waa been sheeg.
22. Marna been aqal ma-dhisto.
23. Wax ma-hubsade beenaale ayaa dhaama.

maahmaah ku saabsan nabada

1. Aan wada hadalno, waan aan heshiino.
2. Balaayo looma yeedho.
3. Afkii ba’ay dhahay, tubtii waa karaa.
4. Bililiqo doon waa nabad diid.
5. Caano daatay, dabadooda la-qabtaa.
6. Gogoshaada nabad ayey kugu deeqdaa.
7. Hadaan lakala roonaan, roob ma-da’o.
8. Jidkii habeen laga lumay, dharaar loo noqoy.
9. Khayr waxba kaama dhimee, sharka u toog hay.
10. Marxaba minankaada ayaa lagu tagaa.
11. Maslaxadaada maqaar eey baa loogu seexda.
12. Nabad doon oo cuqaal iyo culimo u dir.
13. Nabad go’day ma xidhanto.
14. Nabad iyo colaadba carab baa keena.
15. Nabad la-tuugay, nabad maaha.
16. Nabad baa shah iyo sheeko leh.
17. Nabad la’aan lama lado.
18. Nabad markay jirto, caanuhu waa dhey.
19. Nabad waa la-dhistaa, colaadna waa lakala dhaqaaqaa.
20. Nabad waa lagu tarmaa, colaadna waa lagu dhintaa.
21. Nabadaada waa carabkaada.
22. Nabad baa naas laguuno leh.
23. Nabad waa dheef lagu naaxo.
24. Nabad waa geel xeeradii, iyo rag gogoshii.
25. Nabadi waa sahaydaada, ood suxulada ku sidatid.
26. Naf alle leeyahay, nafsi lagama galo.
27. Nin rag ah, walaal wuxuu ku dhaamo lawaa.
28. Ninkii laga nabad gala, ayaa nabad gala.
29. Raad arooryo, dib looma raaco.
30. Rag gogoshii, waa godob la’aan.
31. Reer nabada looma talin waayo.
32. Sama tagaa, horey tagay.
33. Waa la duugiye, yaan la-dacaroon.
34. Wax qod-qodow, wax dug-duugow ayaa ka roon.
35. Wixii war lagu dhamayn karo, waran laguma dayo.
36. Xiliga nabada, qofkiiba labo ayuu la egyahay.

maahmaahyo somali ah

1. Kabbo geel kabtin bay ku waddaa.
2. Karan iyo koronba dibay u kacaa.
3. Gabadh aan hooyo lahayn, waa haan saabla’.
4. Nin gafay ma wayna.
5. Baadi lo’aad biyaa loo fadhiistaa.
6. Geed walba in gubtaa hoos taal.
7. Jilaal waa ninkii haye.
8. Axmaar la-aragyaaba farenji xaaji.
9. Riyahoo qaawan baa idaha ku qosla.
10. Nimaan dhul marin dhaayo maleh.
11. Gartu nin way u go’daa, nina way ka go’daa.
12. Nin baahan caadil maaha.
13. Nimaan garow baran, gar muu baran.
14. Gari alley taqaan.
15. Garawshiinyo waa geel siin.
16. Gaal dil gartiisana sii.
17. Gari laba nin kama wada qosliso.
18. Gar waa loo wada-islaam.
19. Intay calooshu buki lahayd, cagtu ha bukto.
20. Ninba kaskii buu kor tagaa.
21. Run nimaan kuu sheegin rug kuuma hayo.

maahmaah reer xamar

1. Albaab uuna lahayn qofki garaaca, abaalkiisuu helaa.
2. Alifka kuu hagaaga, albaqruu ku gaadhsiiyaa.
3. Luuq-luuq maraw laasim laamiguu imaadaa.
4. Sabuul galey kii ku-siiyaa la-siiyaa.
5. Kuunta wixii loo kuusay, karaamo lee waaye.
6. Cimrigaada oo raga, geel dhalaayuu ku tusaa.
7. Cimrigaada oo dheer, geel dhalaa ku tusaa.
8. Jibaal-fashow jinkaaga maah.
9. Naag wixii haayo xarig lee maaho.
10. Meel libaax soo galay, lama joogo.
11. Mundul dumay, mundul taagan kama naxo.
12. Maseerow moos batiiq ah waaye.
13. Mininkey iiga bax iyo maalkey isii meel loo moodo majirto.
14. Nin roorayo hortiis mala rooro.
15. Sac madaw waxa caanihiisa cadeeyay, cibaaro soomaha.
16. Luquntaa ninkii ku-mashquula, laqdabaas wadaa.
17. Muufo majiiji canjeero haku quus-qaadatee.
18. Labo qaawan waa u toostay.
19. Nin daad qaaday, waa kuwo daayay.
20. Mundul ninkii dhisaa ka-wayn.
21. Quraanjo aruurtay, ayax way jiidaa.
22. Macno la’aan minin xumaa ka-dambeyso.
23. Ninki lawaayo mininkiisaa, laga doonaa.
24. Musbaax mininkaa u baahan, minin dadaw malageeyo.
25. Nin wayn oo waashay wabigaas ku dhacaa.
26. Nin ku gaadaya waa loo gabadaa.
27. Ninkii waaw dhaha, isagaa laga war sugaa.

Murti iyo maahmaah xul ah.

1. Alla-aamin ma iisho.
2. Buubaal biyaha korkiisa saaran buu ka-didaa.
3. Carrab lo’aad caws looma tilmaamo.
4. Dhaxal goronyo, dhebad baa isk leh.
5. Eydin geel, kolba waa ninki ku dambeeya.
6. Fadhi iyo fuud, yicibeed laysku waa.
7. Gambaalo nin gaaraa guntada.
8. Hadal waa dheh iyo dhagayso.
9. Ii ooy waa la-helaa, laakin ii indho beel lama helo.
10. Jinkaada la-dheel, kana dhug lahow.
11. Lama huraan waa caws jiilaal.
12. Maroodi meeshu ka guurayo, wuu geeda gooyaa.
13. Nin faash wata xaabo ma-waayo.
14. Oodi sidey u kala-sareyso ayaa loo kala-qaadaa.
15. Qunyar socde, qodaxi ma mudo.
16. Saguaro intay tub joogto ayey tub kale raadisaa.
17. Tolkaada iMaahmaahyo samirkayo xaaskaada midna looma xoog waynaado.
18. Usha intay qoyan tahay ayaa la toosiyaa.
19. Waxay indho arkaan ayey ilko gooyaan.
20. Wahsade wiilkiisa ma korsado.
21. Xarago dumar xanuun maleh.
22. Xaalkaada xabiibkaadaa loo sheegtaa.

Maahmaah samirka

1. Arin ku dhaaftay aah ma-celiso.
2. Bawdo rageed, maalinba midbaa qaawan.
3. Calf waa intii calool gashaa.
4. Doon buuxdaba, badbaa lagaga tagaa.
5. Fudeyd dhicis baa eeday.
6. Hal-bil qaday, bari kuma dari waydo.
7. Iimaan allaa uur buuxsha.
8. Gaadi badane, waa loo gogol badiyaa.
9. La-hel la-waa baa ku xigta.
10. Laba qaawan, isma qaado.
11. Maal yari, iimaan baa lagu kabaa.
12. Muraadkiis gafe, mininkiisa ma gafo.
13. Nabar aad filaysay, naxdin maleh.
14. Naxdin baa aduunyo loo nool yahay.
15. Samra sadkii ma waayo.
16. Rabi waa la sugaa, wuxuu ku siiyana waa lagu mahad-naqaa.
17. Geed dheer, geed gaaban baa lagu fuulaa.
18. Tuugmo dad, tuur bay kuu yeeshaa.
19. Waan baahanahay, bakhti looma cuno.
20. Wax la-waayay looma waasho.
21. Wax tagay, tiigsimaad ma-leh.
22. Waxaad haysato, wax kuluma sina.

maahmaahyo sarbeeb ah

1. Hadal waa kii gaaban ee lawada garto.
2. La-tuure waa tuugaa.
3. Duunyaa la-qasbaaye dad lama qasbo.
4. Gacan aan wax laga baran lama cawryo.
5. Wacdi wadaad wax isii baa u dambeysa.
6. Wadaad duco mooyee deeq laga roon.
7. Caado la gooyaa cadho aley leedahay.
8. Shir naagood oo shan dhaafay waa shar.
9. Tulud jeeni kama go’o
10. Waxaad beerato ayaad goosataa.
11. Carabku laf maleh, hadana wadan buu dumiyaa.
12. Eyga inta badan ciya, wax ma-qaniino.
13. Quruxdu way dhamaataa, laakin xikmadaa hadha.
14. In been la-maqlo ayaa ka culus, in la-sheego.
15. Qofki cadho la-kaca, wuxuu la-fadhiistaa khasaaro.
16. Hubku waa cadawga qofka iska-leh.

Maahmaah labaalay ah

Labo muuqaada ayey ku farxaan.

• Martidaada iyo.
• Maalkaada.

Labo waa kuwii af-gaaban.

• Aqal iyo.
• Gabadh.          

Labo guur ayaa lagu dhawraa.

• Indhaha iyo.
• Ibta.

Labo dhagax waa iskugu mid.

• Taabasho iyo.
• Tuujin.

Labo waxkasta ka filo.

• Dad iyo.
• Duur.

Guusha noolashu waa labo.

• Rabitaankaada iyo.
• Rabitaanka xaaskaada oo si-waafaqa.

Nin kaligii socda waa labo.

• Ama waa tuug.
• Ama waa tol la’aan.

Labo ayaa la nuugaa.

• Nasab iyo.
• Naaso geel.

Gob labo ayaa ka soo-hadhay.

• Ma-samre iyo.
• Ma-sariigte.

Dhalinyaro labo ayaa ka soo-dhay.

• Ma-yimaade iyo.
• Ma-yaboohshe.

Labo socod ayey ku fiican yahay.

• Diin iyo.
• Daruur

Labo fadhiga ayey ku fiican yihiin.

• Dab iyo.
• Dumar.

Labo noolal ayey ku fiican yihiin.

• Geesiga iyo.
• Godlane.

Labo geeri ayey ku fiican yihiin.

• Bakhayl iyo.
• Baqay.

Labo hala saaxiibin.

• Qof fataal ah.
• Iyo qof bakhayl ah.

Gabadhu labo ha u cadaato.

• Ilkaha iyo.
• Indhaha.

mahmaahyo saddex lay ah

Seddex lalama darso.

• Kaa done dib dhacaada jecel.
• Dulqaad yare, daandaansi badan.
• damiir laawe, damaaci badan.

Sedex dadka ha uga sheekaynin

• Dhaawacaada haka sheekayn.
• Dhaqaalahaada haka sheekayn.
• Dhaqankaada haka sheekeen.

Sedex alle kuguna cidleeyo

• Cadaw gaal ah, alle kuguma cidleeyo.
• Geel gooy ah, alle kuguma cidleeyo.
• Guur ceyr ah, alle kuguma cidleeyo.

Sedex hadey sedex kaaga baahdaan sii

• Dulmane difaac u baahan.
• Baahane gargarkaada u baahan.
• Jaahil cilmigaada u baahan.

Sedex ayey dumarku raga ku doortaan.

• Nin dulqaad badan.
• Nin damiir xoogan.
• Nin damac gaaban.

Sedex meelood oo caqligu dadka ka galo.

• Hunguriga.
• Jirka.
• Maanka.

Sedex xaaskaada ku fiicnaato.

• Akhlaaqda haku fiicnaato.
• Nadaafada haku fiicnaato.
• Dhigaalka haku fiicnaato.

Sedex guurka way burburiyaan.

• Galo xun.
• Gashin xumo.
• Gaban xumo.

Sedex ha samaynin.

• Xiliga farxada balan ha-qaadin.
• Xiliga cadhada ha jawaabin.
• Xiliga murugada go’aan ha qaadan.

Sedex nin, lama raaco

• Ma-horeeye.
• Ma hambeeye.
• Ma haasaawe.

Sedex qoyskaada waa laga ilaaliyaa.

• Eray xun.
• Anfaca xun.
• Agab xun.

Sedex qof waligaa ha ilaawin.

• Waalidkaada.
• Macalinkaada.
• Qofka wax ku-taray.

Sedex sifo ayuu yeeshaa siyaasigu.

• Sad u-joog.
• Sir u-joog.
• Sama u-joog.

Sedex ayey ragu noqdaan, guurka kadib.

• Muranle.
• Ma-oge.
• Malable.

Sedex ayaa nabad dhalisa.

• Talo furan.
• Tolid xiran.
• Tab qoran.

Sedex kala-tali walaalkaada.

• Barin xun.
• Beec xun.
• Bilcan xun.

Sedex ayaa odeynimada kaa qaada.

• Inaad deeq darnaato.
• Inaad dulqaad darnaato.
• Inaad daacad darnaato.

Sedex ayuu rag is-dheer yahay.

• Garashada waxa soo-socda.
• Qabashada waxa taagan.
• Ka-samrida waxa tagay.

Sedex guur, ooy geeridu keento.

• Dumaasha.
• Xigsiinta.
• Godob-reebta.

Sedex ayaa dumar lagu qabaa.

• Xilkasnimo.
• Xog-ogaalnimo.
• Xan la’aan.

Sedex alle ayaa kugu naca.

• Salad la’aan.
• Sako la’aan
• soon la’aan.

Sedex haweenka lama-waydiiyo.

• Meeqa ayaad jirtaa.
• Meeqa ayaad dhashay.
• Meeqa ayaa ku soo furay.

Sedex waa lagu dadaalaa.

• Diinta.
• Ducada waalida.
• Dariska xaqooda.

Sedex sedex lagama daayo.

• Rag shir lagama daayo.
• Dumarna sheeko lagama daayo.
• Xoolana hees lagama daayo.

Sedex iska-ilow waligaa.

• Caajis.
• Cir-waynaan.
• Camal xumo.

Sedex kuuma turaan.

• Cadawgaada.
• Qof xun.
• Wadkaada.

Sedex dadkaa kugu naca.

• Baahi badan.
• baryo badan.
• cunto badan.

Sedex lalama saaxiibo.

• Rag ma-yaqaan.
• Run ma-yaqaan.
• Iyo rabi mayaqaan.

Sedex sedex bay ku bartaa.

• Baahi duco ayey ku bartaa.
• Beentuna faan bay ku bartaa.
• Baryaduna fadhi bay ku bartaa.

Sedex baa horumar lagu gaadhaa.

• Hadal yar.
• Hawl badan.
• hogaan wanaagsan.

Sedex alle ayaa laga magan gala.

• Huluf dagaal oon tol badan lahayn.
• Gabadh aan xishood lahayn.
• Geeri aan ubad lahayn.

Waxaa la-dhahay waxaa jira.

• Aduun ku ciroole.
• Oogo ku ciroole
• iyo uur ku cirooole.

Maahmaahyo afarey ah

Afar afar laguma daro.

• Waan guuri.
• Waan guursan.
• Geel baan qaadi.
• Geenyaan soo-gadan.

Afar waa afar.

• Noolashu waa niyad.
• Noolashu waa qaali.
• Nacaybk waa olol.
• Nabsigu waa qadhaadh.

Afar lama eego.

• Cawro qaawan.
• Caad roobeed.
• Calool buuran.
• Col soo socda.

afar buu ragu magansadaa.

• muruqiisa.
• maankiisa.
• magaciisa.
• mirihiisa.

Afar waa odey ceebtii.

• ha gaabnaado.
• ha gar-xumaado.
• ha gacan adkaado.
• gardiid ha ahaado.

maahmaah iyo macnahooda

Rag waxaa ugu liita,

• nin haduu jooga aan la-celin.
• haduu tagayana aan la-celin.
• haduu maqan yahayna aan la-tabin.

maahmaahdan waxay ka-hadlaysaa, qiimaha iyo waxtarka raga. waxaana loo isticmaalaa, ninka aan laga helin, hanki loo-qabay iyo kaalintiisi.

Noocyada maahmaahyada.

Maahmaahyadu waxaa loo qaybiyaa dhawr qaybood oo kala ah sidan.

Maahmaahda tooskaa.

Waa maahmaahda macnaha iyo odhaahdu isleeyihiin.

• Tusaaale waxaad jeceshahay hadaad waydo, waxaad ka badin waydo ayaa la-yeelaa.

Maahmaah goodin ah.

Waa maahmaahda leh oraah ujeedo kale ka-hadlasya. Ee laga fahmo erayadeeda hanjabaad iyo caga-jugleyn.

• Tusaale, nimaan waran kaa reebin wacad kaama reebo.

Maahmaah duurxulka ah.

Waa maahmaah kuu cadeynayso iney jiraan, waxaad ogeyn. Si toos ahna aan laguugu sheegaynin. Waxaana la-dhahaa waa digniin aan toos ahayn.

• Tusaale walaashaa iskuma-hubtide, seedigaa ha coleysan.

Maahmaah sarbeeb ah.

Waa maahmaah tilmaameysa kala-duwanaanshaha aroohda hadalka iyo ujeedada.

• Tusaale, rag yaraaday tafo naagood baa laga doonaa.

Gaba-gabo

Maahmaahdu waxay kamid tahay, qaybta afka ee tixda la-dhaho. Sida gabayada, geeraarada, heesaha iyo noocyada kale ee maansoontinka.

Dhamaan maahmaahyahan waa xul. Waxaana rajeynayaa inaad ka-heshay, qayb kamida. Ama dhamaantoodba.

Adigu akhriste, maahmaahyadan meeqa ayaa kugu cusub. Nagula wadaag qaybta hoose.

La-wadaag asxaabtaada, mahadsanid.

dhamaad.